He, Mäge, chumm abe go Ebbeeri ficke,
nimm s Blasröhrli und nimm Chätschgummi mit,
mir haueds id Näschi go Erbsli iespicke,
mir knalled ad Vorhäng bis Hohlsäumli git.
Mir legged e Hampfle voll Chäpsli uf d Schwele
und chlopfed ad Türe und zäpfed devoo.
Mich hät d Näschlilehreri abschwarte wele,
jetz mached mer Heidespektakel, jäsoo!
De Mülleri wämmer is Schlafzimmer pfunzle,
die sölls doch am Kuenz goge rätsche, blas mir!
De Kuenzli, dä wird mer dänn d Augsbraue runzle:
(äfft nach) Der Maxli, der bleibt nach der Schule dann hier!